У першым квартале 2023 года кошт закупак імпартных спажывецкіх тавараў вырас на 64,9% адносна аналагічнага перыяду ў 2022 годзе. Гэта рэкордны рост як мінімум за апошнія 10 гадоў, высветліў БРЦ, вывучыўшы справаздачы Нацбанка.
Тэндэнцыя намецілася ў пачатку года - ужо ў студзені паказчык склаў 53,6%. Расце і фізічны аб'ём імпарту: у студзені на 28,3% да аналагічнага перыяду мінулага года, а да сакавіка - на траціну. За тры месяцы рэкордна вырасла і доля спажывецкіх тавараў у таварным імпарце.
Збольшага такую тэндэнцыю можна растлумачыць тым, што беларускія ўлады ў пачатку студзеня 2023 года ўзаконілі паралельны імпарт - увоз замежных тавараў без дазволу праваўладальніка. Эканаміст Зміцер Крук у размове з БРЦ назваў яшчэ нескалькі прычын, у тым ліку эфект нізкай базы мінулага года і аднаўленне спажывання ў Беларусі.
«Рост фізічнага аб'ёму імпарту спажывецкіх тавараў з пачатку гэтага года адбываецца з-за аднаўлення спажывання ўнутры краіны (на фоне растучых пакуль даходаў), перанакіравання часткі гэтага імпарту ў Расію (рэакцыя на санкцыі), інтэнсіфікацыі шэрага імпарту і эфекту статыстычнай базы, бо з канца лютага мінулага года пачаўся маштабны шок і спажыванне стала скарачацца».
Крыніца: Беларускі расследвальны цэнтр